22-23 მარტი, 2021. CoLLLab პროექტის ფარგლებში ქუთაისის აკაკი წერეთლის სახელობის და შოთა რუსთაველის სახელობის ბათუმის სახელმწიფო უნივერსიტეტებში მონიტორინგის ვიზიტი შედგა. მონიტორინგის დროს მიმდინარე სამუშაოები სადემონსტრაციო ლაბორატორიების მოწყობის მიმართულებით შეფასდა. ამასთან, ბენეფიციერებთან შეხვედრაზე განისაზღვრა ტრეინინგში (TOT) მონაწილე აპლიკანტების შერჩევის კრიტერიუმები და პროცედურა. ვიზიტისას პროექტის მონაწილეები ქუთაისის აკაკი წერეთლის სახელობის უნივერსიტეტში გამართულ სტუდენტურ კონფერენციას დაესწრნენ, სადაც დამსწრე საზოგადოებას გააცნეს მიზნები და ამოცანები. შეხვედრა კითხვა-პასუხის რეჟიმში ჩატარდა. აუდიტორიის განსაკუთრებული ინტერესი გამოიწვია ინფორმაციამ დაგეგმილი უწყვეტი განათლების კურსების შესახებ.